Në Gjermani janë të sigurt se Bayerni i Mynihut do të përforcojë mbrojtjen në merkaton e Janarit dhe trajneri Niko Kovaç e ka gjetur lojtarin që dëshiron. Mësohet se bavarezët kanë shënjestruar Lukas Kolstermann, i cili ka një kontratë deri në vitin 2021 me Leipzigun dhe në merkaton e verës ndiqej nga Arsenal dhe Roma.
22-vjeçari pëlqehet nga Kovac, sepse konsiderohet një lojtar “jolly”, pasi mund të mbulojë si qendrën ashtu edhe krahët e repartit të tërhequr. Të paktën 15 miionë euro është vlera aktuale e mbrojtësit gjerman, i cili u ble për vetëm 1 milion euro nga Bochumi në vitin 2014.
