PSV Eindhoven shkëlqen në Eredivisie vetëm 3 ditë para sfidës ndaj Barcelonës në Champions League. Një fitore e bujshme ajo e skuadrës së Mark Van Boomel në transfertën ndaj ADO Den Haag. Për të arritur suksesin e 5-të në këto 5 javë të para PSV-ja bombardoi kundërshtarin me një breshëri golash.
Përfundoi 0-7 në favor të kampionëve në fuqi të Holandës të cilët në 5 javët e para jo vetëm që kanë grumbulluar pikë të plota por kanë një goleavarazh të frikshëm 21-3 në favor.2 gola nga Lozano, dy të tjerë nga Pereiro por edhe finalizimet e De Jong, Gutierrez e Bergwijn, vendosën fatet e një sfide që mori drejtim që në fillim.
