Teuta dhe Kamza, luajnë mes tyre ndeshjen e fundit për këtë javë në Superiore, në stadiumin “Niko Dovana” të Durrësit. Trajneri Bledi Shkëmbi, vjen në këtë sfidë me ekipin e tij, pas dy barazimesh në dy takimet e para, dhe tashmë, është momenti për fitoren e parë në Superiore.
Ndërkohë, Kamza ka korrur një fitore, dhe mban 3 pikë në klasifikim. Bledar Devolli, kërkon të vazhdojë surprizën me ekipin e tij edhe në Durrës.
74′ GOOOOL Teuta 1-0. Amadu Latif gjen më në fund rrugën e rrjetës, pas një asist të Hakajt. Në festë durrsakët.
{“videoid”:”1535916002455″,”type”:1,”ratio”:0.75}
72′ Largohet Roloviç, në fushë Majkëll Peçi.
69′ Arrabal është i ndëshkuari i parë me karton të verdhë pas një faulli në mesfushë.
65′ Zëvendësim te Kamza, largohet Martinena në fushë Ermir Rezi.
62′ Kruja gjuan bukur nga jashtë zonës, por në momentin e fundit topi devijohet nga mbrojtësit.
60′ Latif provon të niset në një duel shpejtësi, por del portieri Avdyli i cili largon topin në anësore.
56′ Avdyli i Teutës harkon një top në zonë nga goditja e dënimit, por Osmani është në pozicion jashtë loje.
54′ Teuta kërkojë të rrezikojë nga krahët, por pa arritur të godasë portën e Avdylit.
51′ Faulla të shumtë në mesin e fushës.
46′ Starton pjesa e dytë. Teuta bën zëvendësimin e parë, largohet Vecaj në fushë Progni.
Përfundon pjesa e parë.
45′ Akordohet 1 minutë shtesë.
45′ Hidi bën shpëtimtarin për skuadrën e Kamzës, pas gjuajtjes së Mehmetit nga jashtë zonës. Rast i rrezikshëm në portën e Teutës.
41′ Gjorgjevski harkon një top të gjatë në zonë për Latif, por sulmuesi vetëm sa e prek topin, duke e dërguar në duart e portierit Avdyli.
40′ Duele të shumta në mesin e fushës.
38′ Vecaj hedh një top nga goditja e këndit, por largojnë mbrojtësit e Kamzës.
27′ Kruja provon me një gjuajtje të fortë me të majtën, Frashëri ndërhyn dhe largon rrezikun për portën e Avdylit.
22′ Goditje nga këndi për Kamzën, kroson Mehmeti, por largohet rreziku.
18′ Hakaj provon me një gjuajtje në kuadrat, por është e lehtë.
12′ Vecaj hedh një top në zonë nga goditja e dënimit, por largon Beqiri.
11′ Teuta fiton goditje ne parë nga këndi. Topi i lartë i hedhur në zonë largohet nga Teqja.
6′ Martinena shkëputet i vetëm në drejtim të zonës, por del mjaft bukur portieri Hidi, i cili largon rrezikun.
5′ Provon të surprizojë edhe Kamza, por topi i hedhur në zonë nga Plaku, nuk është kontrolluar nga askush.
4′ Kruja hedh një top nga e majta në zonë, Kamara provon me kokë, por gjuajtja është e lehtë dhe përfundon në duart e portierit Avdyli.
1′ Ka startuar takimi, Kamza luan topin e parë nga qendra.