Elton Kale me shumë mundësi mund të luajë për Flamurtarin qoftë edhe përkohësisht, deri në zgjidhjen përfundimtare të konfliktit të tij me Kukësin për kontratën.
Lajmi është konfirmuar nga burime pranë klubit vlonjat, sipas të cilave në kërkesën që braziliani ka dërguar në FIFA në lidhje me këtë çështje, ndër të tjera është kërkuar edhe federim i përkohshëm te Flamurtari deri në dhënien e vendimit përfundimtar. Vendimi i ndërmjetëm për këtë kërkesë mund të jepet brenda kësaj jave, dhe nga precedentët e mëparshëm një gjë e tillë është lejuar nga FIFA pikërisht për të mos penalizuar lojtarët duke i lënë pa luajtur.
Megjithatë nëse në vendimin përfundimtar FIFA vendos në favor të Kukësit, atëhere Kale rrezikon një gjobë të majme nga qeveria Botërore e futbollit, duke e kthyer përmbys edhe një vendim potencial të ndërmjetëm për ta lejuar mesfushorin të veshë fanelën vlonjate.
