Tirana do të jetë sërish qendër e një aktiviteti të madh sportiv. Edhe këtë sezon Bashkia e kryeqytetit do të organizojë Maratonën e vrapit, e cila organizohet për herë të tretë. Institucioni në fjalë ka marrë “dritën jeshile” për dy itinerarët e garës nga Federata Ndërkombëtare e Atletikës IAAF.
Ky aktivitet nuk do ketë vetëm karakter konkurues, por do të synojë të promovojë vlerat e qytetit, ku priten të organizohen dhe evente kulturore dhe artistike. Ky kompeticion mbledh garues nga e gjithë bota.
Itenerari i përcaktur do të prekë këto pika:
Fillimi i Bulevardit “Dëshmorët e Kombit” me kuriz nga sheshi “Nënë Tereza”
Bulevardi “Dëshmorët e Kombit”
Rruga “Abdi Toptani”
Rruga “George W. Bush”
Rruga “Barikadave”
Rruga “Urani Pano”
Rruga “Ded Gjo Luli”
Rruga “Kavajës” deri te kisha katolike dhe kthim.
