Sonte në orën 19:45 minuta Partizani do të presë në shtëpi Kastriotin në ndeshjen e vlefshme për javën e tretë të Superiores. Gjatë gjithë kësaj jave ka mbetur një kuriozitet i madh mënyra sesi trajneri Skënder Gega do të rreshtonte të tijtë në këtë 90 minutësh.
Megjithatë, tekniku nuk bën eksperimente me 11-tshen e tij, duke i besuar lojtarëve më të mirë që ka në dispozicion. Të kuqtë do të zbresin me një skemë 4-3-3 më fushën e blertë, ku kanë vetëm një synim ndaj krutanëve, të marrin 3 pikë dhe të afrohen me kreun.
Portier: Alban Hoxha
Mbrojtës: Labinoti, Gojkovic, Belica, Kalari
Mesfushor: Telushi, Malaj, Hila
Sulmues: Asani, Hebaj, Trashi
