Ylli i Tottenha, Lucas Moura, ka fituar çmimin e Lojtari të Muajit për muajin gusht pas tre golave të shënuar në po kaq ndeshje, duke përfshirë këtu edhe dy realizimet në fitoren 3-0 të marrë nga skuadra e tij në fushën e Manchester United.
Braziliani ka fituar garën me Marcos Alonso të Chelsea, portierin e Cardiff, Neil Etheridge, dyshen e Liverpool, Sadio Mane me Virg van Dijk, mbrojtësin e majtë të City-it, Benjamin Mendy dhe lojtarin e Watford, Roberto Pereyra.
Ndërkohë, trajneri i Watford, Javi Gracia, është zgjedhur Trajneri i Muajit pasi skuadra e tij fitoi të tri ndeshjet e luajtura në gusht, me “Hornets” që kanë fituar edhe takimin e katërt të kampionatit, të luajtur në fillimin e shtatorit
Në fund, mesfushori i Fulham, Jean Michael Seri, ka fituar çmimin e Golit të Muajit. Lojtari i Bregut të Fildishtë ka mposhtur portierin Joe Hart me një goditje nga distanca në minutën e katërt të ndeshjes që skuadra e tij e fitoi 4-2 kundër Ëest Ham.
