Pavarësisht se po bën një nga sezonet më të mira në 10 vitet e fundit, nuk mund të thuhet se marrëdhëniet midis ultrasve të Tiranës “Tirona Fanatics” dhe klubit bardheblu janë të kënaqshme.
Vendimi i drejtuesve të klubit kryeqytetas për ta zhvilluar sfidën kundër Teutës në stadiumin “Air Albania” nuk është pritur mirë nga ultrasit bardheblu, të cilët dëshironin që kjo përballje të zhvillohej në “shtëpinë” e Tiranës, stadiumi “Selman Stërmasi”.
Edhe në sfidën kundër sotme kundër skuadrës durrsake, “Fanatics”-at shënjestruan klubin e Tiranës duke u kujtuar periudhën 2017-2018 kur 24-herë kampionët e Shqipërisë luajtën në Kategorinë e Parë kur marrëdhëniet mes palëve u acaruan, ndaj dhe për mosmarrjen e mendimit për terrenin për të zhvilluar sfidën me Teutën në “Air Albania” nuk është mirëpritur nga sektori radikal i tifozëve të Tiranës.
“Mirëkuptim nuk kërkuat kur kapët fundin, po kërkoni për stadiumin”, shkruhet në banderolën e shpalosur nga “Fanatics”-at në stadiumin “Air Albania”.
