US Open e ka gjobitur Serena Williamsin me 17 mijë dollarë për tri shkelje të kodit të turneut gjatë humbjes së saj në finalen e femrave të shtunën ndaj Naomi Osakas, njofton Federata e Tenisit e Amerikës.
Ndeshja e së shtunës mes Williams dhe Osaka në stadiumin Arthur Ashe në Nju Jork u prish nga incidenti në setin e dytë, pasi gjyqtari Carlos Ramos e penalizoi Williamsin duke ia hequr një pikë e pastaj një game, transmeton Express.
Në fund Osaka e mundi Williamsin në dy sete 6-2, 6-4, për ta fituar titullin e parë grand slam.
Williams u penalizua për një seri shkeljesh, përfshirë marrjen e instruksioneve nga trajneri, që nuk lejohet me rregulla në tenis, dhe pasi e quajti gjyqtarin gënjështar dhe hajn.
