Nemanja Matic është një futbollist, i cili preferon të flasë më shumë në fushë, gjithmonë i vetëdijshëm për punën që duhet të bëjë në shërbim të ekipit të tij. Por, mesfushori serb ka befasuar këdo me gjestin e tij të fundit. Siç është raportuar nga shtypi lokal, futbollisti i Manchester United ka dhuruar 70.000 euro për Dushan Todoroviç, një djalosh 4-vjeçar serb, për të kuruar sëmundjen e kancerit.
Dusan Todorovic vuan nga “neuroblastoma”, një lloj i rrallë i kancerit, që u bë i njohur pas luftës epike të tifozit të vogël të Sunderland, Bradley Lowery, i cili “reklamoi” një miqësi të veçantë me sulmuesin Jermain Defoe.
Në këtë situatë, Nemanja Matic ka vendosur të kontribuojë për kurimin e vogëlushit serb, Dusan Todoroviç, i cili do të udhëtojë drejt Barcelonës për të marrë trajtimin e nevojshëm, në përpjekje për ta mposhtur sëmundjen.
Përveç kontributit ekonomik të Nemanja Matic, familja e Dushan Todoroviç ka marrë edhe mbështetje nga Partizanit i Beogradit, klub i cili ka mbledhur pothuajse 200.000 euro, në mënyrë që fëmija të mund të marrë trajtimin e duhur mjekësor.
Nearly €200,000 has been raised towards the treatment of ill four-year-old Partizan fan Dušan Todorović. This total includes money raised from ticket sales for the FK Rad game and a Crvena zvezda fan who auctioned his ticket for their Champions League matches. Well done all 👏 pic.twitter.com/SzvvyEaXRN
— FK Partizan Belgrade 🇬🇧 (@FKPartizan_EN) September 17, 2018