Sulmuesi i Milanit, Patrick Cutrone pritet të jetë në dispozicion për t’u përballur me Cagliarin, pavarësisht nga frika për një dëmtim në kyçin e këmbës.
Futbollisti çaloi gjatë ndeshjes së Italisë U-21 miqësore kundër Shqipërisë mbrëmë dhe pati frikë se mund të përballet me një lëndim të rëndë. Megjithatë, “Tuttomercatoweb” raporton se pas testeve mjekësore ka rezultuar se Cutrone nuk ka dëmtim serioz.
Ai duhet të jetë i gatshëm të përballet me Cagliarin këtë fundjavë, dhe do të përfshihet në skuadrën e trajnerit Gennaro Gattuso. Megjithatë ai pritet të jetë në stol dhe mund të futet në pjesën e dytë .