Mesfushori i Milanit, Frenk Kesi është shumë optimist për këtë sezon të ri të kuqezinjve, pasi është i bindur se do të jetë një edicion futbollistik shumë i suksesshëm për “Djallin”.
Sipas tij, ardhja e Higuain dhe lojtarëve të tjerë ka përforcuar shumë skuadrën dhe shpreson që të jenë një rrezik për Juventusin sa i takon titullit kampion.
“Askush nuk na sheh si një skuadër pretendente dhe kjo gjë më vret. Milani është një skuadër e madhe dhe si e tillë, ne po japim maksimumin që të arrijmë të fitojmë trofe të rëndësishëm.
Me Higuain përpara në sulm, besoj se do të kemi një sezon të suksesshëm. Duam të fitojmë titullin e Serie A dhe të sigurojmë Champions League për sezonin e ardhshëm dhe duhet të ruajmë me doemos një ecuri të mirë”,- u shpreh mesfushori i Milanit.