Wayne Rooney është një lojtar i cili është rritur me rregullat strikte të Sir Alex Ferguson. Por kohët kanë ndryshuar dhe ai qesh teksa rikujton historinë kur u mundua t’i jepte disa këshilla Memphis Depay gjatë kohës së tij te Manchester United.
“Ai erdhi në një ndeshje jashtë fushe me Stoke-n,” kujton Rooney. “Dhe ai bën gabim te goli i tyre teksa luajti vetëm 15 minuta, dhe Van Gaal i tha se do të luante te rezervat ditën tjetër. “Kështu që pas ndeshjes i thashë se gjërat do të jenë pak të vështira për të kështu që të vijë i veshur sa më thjeshtë.
“Por ai erdhi me Rolls Royce, duke veshur një xhaketë lëkure dhe kapele kauboji. Diçka që nuk e kuptova.”Pas rrëfimit të tij, Depay përdori mediat sociale për t’iu kundërpërgjigjur ish-shokut të ekipit. “Rooney, a mund të ma japësh borxh xhaketën e kuqe për sonte të lutem?” shkruan holandezi.
@WayneRooney Mem… can you borrow me your red leather jacket for tonight please? 👹 #ithoughtwewerepastthat pic.twitter.com/FXtr96wYeQ
— Memphis (@Memphis) September 16, 2018
