Shakatë janë shumë të përhapura midis futbollistëve të ndryshëm dhe diçka e tillë i ka ndodhur dhe ekipit të Mançester Junajtid. Patris Evra, i cili u aktivizua për tetë sezone me “Djajtë e Kuq”, ka zbuluar një detaj gjatë shakave të tij me mbrojtësin Zherad Pike, pjesë e Junajtid në të kaluarën përpara se të rikthehej te Barcelona.
Spanjolli i kishte djegur këpucët e futbollit francezit dhe ky i fundit vendosi të hakmerrej: “Njëherë më kishin djegur këpucët, diçka aspak e këndshme. Autori ishte Zherard Pike dhe vendosa të hakmerrem. Mora këpucët e tij, shkova në banjo dhe… ia bëra në këpucë”, ka zbuluar 37-vjeçari, i cili sot aktivizohet me Uest Hemin.
