Marcelo Brozovic pritet të firmosë një kontratë te re që do e mbante tek Inter deri në qershorin e 2021, duke fituar 3 mln euro në sezon. Sipas Correre dello Sport, kroati ka arritur marrëveshjen me klubin e tij për të nënshkruar javën tjetër.
Me kontratën e re, ai do të fitonte 3 mln euro në sezon, duke e vënë në të njëjtën kategori me Valero, Joao Mario, Handanovic, Joao Miranda dhe Asamoah.
Brozovic ka qenë shumë pranë largimit nga Inter disa herë gjatë sezoneve të kaluar, teksa oferta ka pasur kryesisht nga Premier League.
Gjithsesi, duke filluar nga janari ai është kthyer në një nga lojtarët kyçë të mesfushës. “Epic Brozo” gjithashtu ka impresionuar në Kupën e Botës me Kroacinë duke arritur deri në finale.