Pas humbjes së mbrëmjes së djeshme kundër Mançester Sitit, Totenhami mori shumë kritika nga dyshja e analistëve të “SkySport”, Geri Nevill dhe Xhejmi Karrager.
Ishin pikërisht dy ish-futbollistët e njohur anglez që analizuan gjendjen e klubit të Totenhami, ku u ndalën më shumë te e ardhmja e yjeve të skuadrës. Një nga emrat më të përfolur ishte ai i mesfushorit të Anglisë, Dele Ali, që konsiderohet e ardhmja e futbollit anglez.
Si Nevill, ashti dhe Karrager thanë me siguri që Dele Ali nuk do të rinovojë dhe do të largohet të një skuadër e madhe, por mesfushori 22-vjeçar rinovoi sot me klubin e Totenhamit.
Ali nënshkroi një kontratë të re me “Spurs” dhe do të qëndrojë në Londër deri në vitin 2024. Kontrata e tij e re e përmirësuar është 6-vjeçare dhe klauzola e tij flitet të jetë diku te 200 milionë euro, duke u barazuar me kapitenin Heri Kejn.
