Arsenali ka fituar në transfertë me rezultatin 1-0 përballë Sportingut të Lisbonës në duelin e javës së tretë për fazën e grupeve në Europa League.
Me këtë fitore Arsenali arrin në kuotën e 11 fitoreve radhazi në të gjitha garat.
Golin e vetëm të takimit e shënoi Welbeck
Pjesa e parë përfundoi pa gola, Arsenali pati disa mundësi për të shënuar me Aubameyang, por portieri vendas ishte në nivel të lartë dhe bëri pritje fenomenale.
Edhe në pjesën e dytë Arsenali sulmoi vazhdimisht por arriti që të kalojë në avantazh vetëm në minutën e 78’ me anë të Dany Welbeck që shënoi një gol të bukur.
Pas kësaj fitore, Arsenali ngjitet në vendin e parë me 9 pikë të plota, ndjekur nga Sportingu në kuotën e 6 pikëve.
