Zlatan Ibrahimovic gjithnjë e më pranë Milanit. Sulmuesi suedez dështoi për të kualifikuar skuadrën e Los Angelos Galaxy në play-off e MLS dhe ka ngritur pikëpyetje rreth të ardhmes së tij në klubin amerikan. Një fakt i tillë përforcohet edhe nga portali italian “Calciomercato.com” që pretendon se sulmuesi dëshiron të kthehet në Evropë dhe se Milan është më pranë se Reali i Madridit.
Faqja e internetit pohon se drejtori sportiv i kuqezinjve, Leonardo u takua me agjentin e suedezit ditët e fundit për të diskutuar rreth rinovimit me Giacomo Bonaventura. Megjithatë, një kthim i Ibrahimovic nuk përjashtohet dhe muaji nëntor duket se është ai deciziv.
Me Galaxy, Ibrahimovic luajti 27 ndeshje, ku shënoi 22 herë.
