Sot përveç Shqipërisë edhe Kosova ka shënuar fitore në futboll. Bëhet fjalë për fazën kualifikuese të kampionatit europian të 2019 për grupmoshën 17-vjeçare, ku kuqezinjtë mposhtën minimalisht rivalët e Azerbajxhanit, ndërsa Kosova ka gjunjëzuar bashkëmoshatarët e Zvicrës me të njëjtin rezultat si skuadra e Xhemal Mustedanagic. Në Qipro, Kosova U17 fitoi ndaj ekipit helvet falë golit të Valon Zymberit.
Kjo konsiderohet një fitore e rëndësishme për djelmoshat e Kosovës, të cilët premtojnë se në të ardhmen përfaqësuesja e re e Kosovës do të jetë një ekip kompetitiv në arenën ndërkombëtare të futbollit. Kosova U17 bën pjesë në grupin 5.
