Komisioni i Ekonomsë po shqyrton projektligjin për lojrat e fatit, ku është thirrur edhe ministri i Ekonomisë dhe Financave Arben Ahmetaj. Gjatë fjalës së tij kryetari i Komisionit Erion Braçe u shpreh se kush nuk voton ligjin do të përballet me pasojat.
“Kush nuk zbaton ligjin do përballet me pasojat. Kam dëgjuar lloj lloj paragjykimesh se nuk do e bëjnë nuk kanë për ta votuar. Amendamentet që ne miratojmë sot i japin fund përfundimisht lojrave të fatit’, tha Braçe.
Më tej deputeti foli edhe për lojrat e fatit që do mbeten pas datës 1 janar, për të cilat tha se do kenë barrë fiskale të ulët.
“Bëhet fjalë për barrë fiskla për lojrat e fatit që do të mbeten pas datës 1 kam bërë një analizë të disa niveleve fiskale në disa vende të BE. Unë gjykoj që barra fiskale për lojrat e fatit që do mbeten pas datës 1 është e ulët”, u shpreh Braçe.
Komisioni i Ekonomisë voton sot amendamentet për projektligjiin për lojrat e fatit duke i hapur kështu rrugë miratimit të projektligjit ku pritet të votohet këtë të enjte në seancën plenare.
