Myrto Uzuni po arrinë të tejkaloi pritshmëritë duke zhvilluar paraqitje spektakolare në futbollin kroat. Ishte ndeshja e një dite më parë, kur Myrto Uzuni e nisi si titullar sfidën, që Lokomotiva luajti kundër Rudar në transfertë dhe e fitoi 0-4.
Sulmuesi i kombëtares shqiptare ishte protagonist i padiskutueshëm edhe në këtë ndeshje, pasi ai luajti në rolin e mesfushorit në krahun e djathtë, por nga këmbët e tij erdhën dy gola. Pikërisht goli i dytë dhe i tretë i takimit, vijnë pas aksioneve të nisur në krahun e djathtë të mesfushës, aty ku Myrto Uzuni pason me mençuri te shokët e skuadrës, të cilët para portës nuk gabojnë.
Një tjetër ndeshje e mirë për futbollistin beratas, që tashmë është duke kaluar momente të shkëlqyera në Kroaci, duke u shndërruar në një nga lojtarët kyç të skuadrës. Pas golit dhe asistit të ndeshjes paraardhëse, protagonizmi për mirë në ndeshjen ndaj Rudar, e bëjnë Uzunin pikë referimi për skuadrën e Lokomotivës.
Gjithashtu ky është një lajm i mirë edhe për kombëtaren shqiptare, pasi përshtatja me lehtësi e Uzunit në krahun e djathtë, është një armë shtesë për trajnerin Panucci, për dy ndeshjet e radhës të kuqezinjve.