Ish-lojtari i Milanit, Adil Rami, duket se do ta kujtojë gjatë vitin 2018. Francezi, i cili arriti një triumf të jashtëzakonshëm për karrierën e tij, duke u kurorëzuar kampion bote me ekipin e “Gjelave”, tashmë duket se do të marrë një tjetër sukses.
Këtë herë jashtë fushës së gjelbër, pasi siç raporton gazeta spanjolle “AS”, mbrojtësin që sapo u kthye nga Rusia si triumfator, e pret një tjetër event shumë i rëndësishëm, ku pritet që të kurorëzojë martesën me modelen dhe aktoren e njohur amerikane, Pamela Anderson.
