Gentjan Selmani u largua nga Laçi para pak kohësh në drejtim të kampionatit turk, dhe drejtuesit bardhezi ishin në kërkim të një portieri tjetër, të cilin mesa duket e ka gjetur.
Bëhet fjalë për Dimitri Stazhilla, i cili sezonin e fundit u aktivizua tek Al-Mojzel, në Arabinë Saudite. Portieri 28-vjeçar është aktivizuar më parë edhe me kombëtaren e Moldavisë të 21-vjeçarëve.
Stazhilla ka firmosur një kontratë 2-vjeçare, e cila do ta mbajë të lidhur me Laçin deri në vitin 2021. Për lojtarin është një rikthim në Kategorinë Superiore, pasi më parë ka luajtur edhe për Kukësin në vitin 2015.
