Vllaznia U-19 është eliminuar me turp nga UEFA Youth League, me shkodranët që janë mposhtur edhe në takimin e dytë nga Astana. Pavarësisht eliminimit, ajo që nuk gëzon aspak trajnerin e kuqeblu, Luan Zmijani është paraqitja e skuadrës.
“Nuk mundesh të kualifikohesh kur vetëm një lojtar jep 100 % e tij dhe pjesa tjetër rri e shikon këtë lojtar se çfarë po bën. Është një tablo e njëjtë, si ajo në Astana, ku ato shënonin dhe ne humbnim rast. Ato shënonin me prap humbnim rast. Kjo është mungesa e eksperiencës, mungesa e besimit te djemtë, sepse djemtë nuk besojnë se mund ta kalojnë një tur. Nuk munden të përballen me bashkëmoshatarët e tyre më larg Evropës, por ky është niveli, duhet ta pranojmë.” -tha Zmijani menjëherë pas ndeshjes.