Lionel Messi dhe Cristiano Ronaldo nuk do të luajnë në El Clasico-n e fundjavës, për të parën herë që prej vitit 2007. Transferimi i Ronaldo-s nga Real Madrid tek Juventus për 120 mln euro do të thoshte se ndeshja e 28 tetorit do të ishte Clasico e parë pa të pas nëntë viteve.
Por edhe Messi do të mungojë pasi kapiteni i Barcelona-s ka pësuar një frakturë në krah gjatë fitores 4-2 të Barça-s në La Liga ndaj Sevillas. Messi përgatiti golin e Coutinho-s përpara se të shënonte vetë golin e dytë në Camp Nou.
Por sulmuesi argjentinas duhet të zëvendësohej pak minuta më vonë pasi dëmtoi krahun e djathtë. Ai u zëvendësua nga Ousmane Dembele.
Barça ka konfirmuar se ai do të qëndrojë rreth tre javë larg fushave. El Clasico i radhës do të ketë një pamje komplet ndryshe, duke i dhënë fund erës Messi-Ronaldo.
