Vetëm 4 ditë më parë legjenda e futbollit argjentinas, Diego Armando Maradona sulmoi ashpër yllin aktual të “albiçelestëve”, Lionel Messin.
“Nuk mund të jetë lider një person, që shkon mbi 20 herë në banjë, para çdo ndeshjeje”, deklaroi Maradona, duke “shigjetuar” Lionel Messin, i cili ka qenë lideri dhe kapiteni i Argjentinës, kohët e fundit.
Gjithsesi sot ka reaguar avokati i Maradonës, i cili ka thënë se Diego është ndjerë keq nga deklaratat që ka lëshuar dhe se do të telefonojë Messin, për t’i kërkuar ndjesë.
“Ai nuk ka dashur të sulmojë Messin, por të evidentojë faktin që ndaj tij po ushtrohet shumë presion, ndaj edhe ka folur në atë mënyrë. Gjithsesi tashmë është ndjerë shumë keq që kjo është interpretuar në këtë mënyrë, ndaj do të telefonojë Messin, për t’i kërkuar falje”, deklaroi avokati i Maradonës.
