Chelsea po përgatitet të mbështesë Maurizio Sarri-n pas një starti fantastik të sezonit duke u futur në merkato për një sulmues të denjë në janar. Mauro Icardi është në krye të listës por do të jetë një operacion shumë i shtrenjtë për ta larguar nga Inter.
Icardi aktualisht po negocion për një kontratë të re me klubin zikaltër. Objektivi tjetër është Piatek i Genoas, një lojtar që mund të arrihet më kollaj.
Piatek është kthyer në një sensacion në Serie A pas transferimit të tij nga Cracovia gjatë merkatos së verës për vetëm 4 mln euro.
Ai ka shënuar nëntë gola në Serie A, katër ndaj Lecces në Coppa Italia dhe gjithashtu gjeti rrjetën që në ndeshjen e dytë ndërkombëtare me Poloninë.
I interesuar për firmën e talentit është edhe ish-ekipi i Sarrit, Napoli, me raportet që thonë se klubi italian është gati të paguajë 35 mln euro për të. Sarri donte Gonzalo Higuain këtë verë, por argjentinasi vendosi të shkonte te Milan.
