Luhet në Vlorë, ndeshja e fundit e javës së 9-të në Kategorinë Superiore, e cila mbyll edhe fazën e parë për këtë edicion. Flamurtari pret Tiranën, në një sfidë ku tekniku i ri i bardhebluve, Ardian Mema, debuton pikërisht ndaj ish-mentorit të tij, Ilir Dajës, ku deri pak javë më parë ishte ndihmës i këtij të fundit.
Tirana është në nevoje emergjente për pikë, por në një situatë jo fort komode gjenden edhe vlonjatët, dhe në këtë takim çdo pikë është e vlefshme për të dyja ekipet.
LIVE | Flamurtari-Tirana 0-0
KOMENTI LIVE
24’ Turtulli nuk largon si duhet një top nga mbrojtja, dhe përfiton Torasa i cili shërben Bushiç, kroati godet menjëherë, por Lika në pozicion ndal atë rast.
21’ Imami jep një top për Kobina në hyrje të 16 metrave, ky i fundit godet me të majtën, por gjuajtja lë shumë për të dëshiruar, pa fuqinë e duhur.
14’ Top i gjatë i Veliut në zonë, nga goditja e dënimit, por pa asnjë adresë.
13’ Kartoni i parë i verdhë në këtë sfidë, Turtulli ndal Torasën, dhe gjyqtari Alla e ndëshkon.
11’ Greca futet mirë nga e majta e sulmit për në qendër, godet me të djathtën tokazi, por Koliçi në pozicion pret.
8’ Top i gjatë për Grecën, por Veliu mbyll një aksion ku sulmuesi i Tiranës nisej rrezikshëm.
5’ Provon të niset Kobina në të djathtë, por nuk e mban dot topin brenda vijave.
3’ Mundësi fantastike për Tiranën, që në sekondat e para, Kobina merr një top të artë në qendër të zonës, por goditja e tij ndalet nga Musta.
1′ Nis ndeshja në Vlorë.
