Ditën e mërkurë do të luhet ndeshja e kësaj jave në Champions League midis Interit dhe Barcelonës. Skuadra e drejtuar nga trajneri Ernesto Valverde vjen në këtë sfidë me disa mungesa, ku kryesorja është ajo e Lionel Mesit.
Ndërsa së fundmi në mediat spanjolle flitet se mund të startojë në këtë sfidë edhe mesfushori Rafinja Alkantara i cili duket se tani po “spiunon” pikat e forta të Interit te Barcelona.
Portieri – “Handanoviç është i pakalueshëm. I kompletuar dhe me shumë eksperiencë. Më pëlqente shumë gjithmonë.”
Mbrojtja- “Më e mira në Seria A, pa asnjë dyshim. Do theksoja Milan Skriniar dhe Zhoao Miranda, të cilët janë top lojtarë.”
Mesfusha – “Një mesfushë shumë e mirë. Me Brozoviç, një lojtar i madh, i cili vë në lëvizje gjithë ekipin. Interi ka edhe Veçinon që merret vesh shumë mirë me Brozoviç.”
Sulmi – “Vrasësi Mauro Ikardi. Ai është lojtari që mund të shënojë nga kudo, e ka treguar këtë, kështu që ne duhet të jemi shumë të vëmendshëm.”
