Juventus kërkon të nënshkruaj me “Ronaldon e ri”, një yll që mund t’i bashkohet “Zonjës së Vjetër” në kulmin e karrierës së tij.
Presidenti i “Zonjës së Vjetër”, Andrea Agnelli, zbuloi planet e Juventusit pak javë më parë dhe e përditshmja italiane “Tuttosport” ka zbuluar disa emra të cilët do të ndiqen nga gjigantët e Seria A, për të forcuar skuadrën e tyre në të ardhmen.
Emri i parë që të vjen ndërmend është ylli i PSG-së, Kylian Mbappe, pasi francezi konsiderohet si lojtari që do të zëvendësojë CR7, kur ky i fundit të varë këpucët në gozhdë.
Gjithsesi, sipas gazetës torineze, Paul Pogba është një tjetër ëndërr e bardhezinjve, që shpresojn te një rikthim i francezit. Pogba nuk i ka marrëdhëniet e mira me Jose Mourinho dhe Juventus po e monitoron nga afër situatën në Manchester.
Emrat e tjerë që po mbahen në vëzhgim nga italianët, janë ata të Leroy Sane, Gabriel Jesus dhe Phil Foden.