Situata e Alvaro Morata është e komplikuar te Chelsea. Ai nuk po luan titullar dhe zërat mediatikë nga Anglia tashmë theksojnë se lojtari spanjoll dëshiron të gjejë një rrugëdalje në merkaton e janarit. “The Sun”, tabloidi i njohur britanik, madje tregon edhe ekipin, ku sulmuesi do të rehabilitohej më mirë.
Bëhet fjalë për Juventusin, ku ka luajtur e shkëlqyer më parë, ekip në të cilin do të gjente Cristiano Ronaldon, si në eksperiencën e tij në Madrid. Bashkë me yllin portugez dhe momentin e rëndësishëm të Mandzukic, sulmuesi spanjoll do të kompletonte një repart ofensiv të frikshëm, gati për të fituar Ligën e Kampionëve.
Gjithashtu, në Itali theksojnë se Milani e ka me të kuqe emrin e spanjollit në listën e mundshme të përforcimeve, duke nisur nga janari. Vetë Morata është i qartë se duhet të largohet nga Chelsea për të luajtur rregullisht, çka i lejon atij të jetë pjesë e kombëtares së Luis Enrique. Në të kundërt, do ta humbasë vendin aty, sikur ndodhi me të edhe për Botërorin e Rusisë.
