Trajneri i Mançester Junajtid, Zhose Murinjo duket se po rrezikon vërtet një largim të mundshëm nga skuadra e “djajve të kuq”. Sipas asaj që bëjnë me dije mediat angelze, portugezi ditën e djeshme është telefonuar dhe nga ish-tekniku i Realit të Madridit, Zinedin Zidan.
Sipas asaj që bëhet me dije, francezi e ka siguruar Murinjon se nuk po punon prapa krahëve të tij për të marrë drejtimin e skuadrës së Junajtid. Megjithatë mediat angleze shkruajnë se kjo nuk e zbeh aspak situatën në të cilën gjendet tani trajneri i Junajtid.
Ditën e nesërme skuadra e Mançesterit do të ketë një ndeshje në Champions League përballë skuadrës së Valencias. Ndërsa Murinjo është shprehur se mezi po e pret këtë ndeshje. Ndërsa shton se nuk ka asnjë ankesë për lojtarët e tij.
