Cristiano Ronaldo, tashmë ka një pushtet të madh tek Juventusi dhe është në gjendje t’i kërkojë klubit lojtarët që do ta përforconin akoma më shumë “Zonjën”.
Nëse në muajt e fundit është folur rreth mundësisë që Marcelo të vij tek kampionët italian, tani emri që po flitet më shumë është një nga yjet e Barcelonës. As më shumë e as më pak se Ivan Rakitic. Kjo është ajo që ka bërë të ditur “Don Balon”.
Kroati ishte pranë largimit nga Barça gjatë verës, kur PSG ishte e gatshme të ofronte 100 milionë euro për të. Tani është Juventusi që interesohet për ish lojtarin e Sevilla.
Rakitic është i lumtur tek Barcelona, por edhe pak i mërzitur, sepse klubi nuk është i gatshëm për t’ia rinovuar kontratën këtë sezon. Cristiano Ronaldo, gjithmonë sipas portalit spanjoll, mendon se Juventusi mund të përfitojë nga kjo situatë.
Portugezi beson se skuadrës i mungon diçka në mesfushë për të qenë në gjendje të luftojë për të gjithë trofetë. Dhe Rakitic do të përshtatej në mënyrë të përkryer.
