Futbollisti i Irakut, Bashar Reshan, është zëvendësuar gjatë miqësores të luajtur kundër Argjentinës në Arabinë Saudite, sepse mamaja e tij ishte ndarë nga jeta.
Mesfushori 21-vjeçar ka qenë një nga më të mirët në fushën e lojës për të tijtë, por ndeshja e tij është ndërprerë pasi drejtuesit e federatës së Irakut janë njoftuar për lajmin e ndarjes nga jeta e mamasë së tij.
Stafi teknik, më pas, ka vendosur ta zëvendësojë në gjysmën e pjesës së dytë dhe e kanë njoftuar menjëherë për atë që kishte ndodhur.
Kombëtarja e Irakut duhet të luajë një ndeshje tjetër kundër Arabisë Saudite, por Reshan është lënë i lirë të largohet menjëherë. Ai ka shkuar në shtëpi për të qëndruar afër familjes.
Argjentina e fitoi takimin 4-0 pavarësisht se trajneri i përkohshëm, Scaloni, ka aktivizuar shumë emra të rinj.
