Presidenti i skuadrës së Leicester, Vichai Srivaddhanaprabha (60 vjeç), ka qenë në bordin e helikopterit në momentin që ai është rrëzuar mbrëmjen e së shtunës, pak pasi kishte përfunduar ndeshja e Premier League mes “dhelprave” dhe West Ham (barazim 1-1). Edhe pse ende nuk ka ardhur asnjë konfirmim zyrtar nga klubi apo policia, mediat britanike konfirmojnë se janë 5 viktimat e këtij aksidenti tragjik, që ka tronditur futbollin anglez.
Fansat e Leicester vendosin buqeta me lule
Helikopteri është përfshirë menjëherë nga flakët dhe përpjekjet e një oficeri policie që ka qenë pranë tij në momentin e tragjedisë, për t’i shpëtuar, duket se kanë qenë të kota. Gjithsesi, ende asnjë deklaratë zyrtare nuk vjen për këtë incident prej orësh, por familjarët e Vichai Srivaddhanaprabha kanë konfirmuar se pronari i Leicester ka qenë në bordin e helikopterit në momentin e tragjedisë.
Fansat e skuadrës së Leicester kanë mbërritur mëngjesin e sotëm pranë stadiumit, ku kanë vendosur foto e buqeta me lule në kujtim të viktimave, të përlotur nga ngjarja dhe duke u lutur nën drejtimin e Vichai Srivaddhanaprabha, skuadra e Leicester fitoi një titull kampion në Premier League, ndërkohë që ai ka marrë pronësinë e këtij klubi në vitin 2010.
