Mediat angleze u përpoqën të hedhin dritë mbi atë që po e vononte konfirmimin zyrtar të viktimave që ndodheshin në bordin e helikopterit.
Policia nxirrte buletine të shpeshta ku thoshte se ata shpresonin që të dilnin sa më shpejt me një deklaratë, por “Sky Sports” raportonte se pritej të ishte një deklaratë e përbashkët mes policisë, klubit të Leiçesterit dhe familjes së presidentit dhe kjo ishte diçka e komplikuar edhe për shkak të situatës kulturore në Tajlandë dhe formaliteteve që duheshin ndjekur edhe prej andej.
Duke marrë parasysh diferencën e madhe të orës së Bangkokut me Londrën, komunikimi me Tajlandën ka qenë i vështirë. Por, autoritetet punuan me të gjitha mjetet dhe dolën me një komunikim që konfirmuar vdekjen zyrtare të presidentit të Leiçesterit dhe katër pjesëtarëve të tjerë të ekuipazhit të helikopterit të tij: dy anëtarë të stafit, Nursara Suknamai dhe Kaveporn Punpare, piloti Erik Suafer dhe pasagjerja Izabela Roza Lekovic.
