Një ndeshje e tillë i mbërthen të gjithë përpara ekranit të televizorit. Përplasen dy nga ekipet më të mëdha në botë, të cilat kanë bërë histori në Spanjë dhe në Europë. BarcelonaReal Madrid, që do të luhet ditën e sotme në “Kamp Nou”, pritet të ketë afro 650 milionë spektatorë në të gjithë botën.
Ajo do të transmetohet në 183 vende të ndryshme. Është zgjedhur ora 16:15 në mënyrë që të ketë vëmendje maksimale thuajse në të gjithë botën, si në Azi ashtu edhe në Amerikë. Një duel i tillë do të transmetohet me 30 kamera në total, njëra prej tyre nga helikopteri, për të treguar pamjet magjepsëse të Barcelonës.
