Angel Di Maria duket se do të nënshkruajë një kontratë të re me PSG, deri në vitin 2021. Kontrata e tij aktuale skadon në fund të këtij sezoni, dhe mediat franceze bëjnë me dije se palët kanë gjetur akordin për të vazhduar më tej bashkëpunimin.
Zërat flisnin për një largim të mundshëm të argjentinasit në fund të sezonit, dhe Parisi rrezikonte ta humbiste me parametra zero. Por, mesa duket, Di Maria po e shijon eksperiencën e tij tashmë te PSG, nën drejtimin e Tomas Tuhel, dhe është një pjesë kyç e formacionit. Di Maria u transferua te PSG në verën e vitit 2015 nga Mançester Junajtid, për 63 milionë euro.
