Lionel Messi apo Cristiano Ronaldo më i miri? Kjo është pyetja që jemi të mësuar të dëgjojmë më së shumti nëse flitet për futboll. E njëjta pyetje i është bërë dhe lojtarit të Juventusit, Federico Bernardeschi.
Ky i fundit ka zgjedhur Ronaldon si lojtarin më të mirë në botë. “E kam konsideruar Cristianon gjithmonë si më të mirin. Ai është një lojtar me personalitet të madh. Prezenca e tij është një shembull për të rinjtë.
Mendoj se Reali ka humbur shumë cilësi me largimin e tij. Ronaldo e meriton “Topin e Artë”, pasi fitoi Championsin dhe bëri një paraqitje të madhe në Kupën e Botës”, kanë qenë fjalët e Bernardeschit për lojtarin më të mirë në botë.