Toni Kroos ka folur pas fitores 2-1 të Real Madrid kundër Viktoria Plzen. Mesfushori i njohur ka deklaruar pas takimit se ndjenja e triumfit i kishte munguar të gjithëve. Tashmë në kampin madrilen ka më shumë qetësi dhe këtë e konfirmon edhe Kroos:
“Më ka munguar me të vërtetë ndjenja e fitores sepse në vitet e fundit ishim mësuar me këtë ndjenjë. Por, unë isha i sigurt se do t’i kthehemi fitoreve. Ne duhet të vazhdojmë të punojmë, gjithçka nuk ishte e përsosur.
“Ne mund t’i kishim shënuar katër apo pesë gola, por është më mirë që i kemi krijuar të gjitha këto mundësi. Megjithatë, kjo është diçka në të cilën duhet të punojmë më shumë”, ka deklaruar Kroos.