Eden Hazard po impenjohet maksimalisht me Chelsean këtë sezon për ta kthyer skuadrën në rrugën e mbarë. Por, kapiteni i Belgjikës dhe njëri prej yjeve më të mirë në Europë nuk do ta harrojë interesimin e Realit të Madridit dhe ka këmbëngulur se dëshiron vetëm t’i bashkohet “Los Blancos”.
Këto deklarata të përsëritura së fundmi nga Hazard kanë vënë në lëvizje klubin madrilen, i cili po përgatitet të transferojë Hazardin. Nëse në merkaton e verës, spanjollët deklaruan se nuk kishin ndërmend të shpenzonin më shumë se 100 milionë € për futbollistin më të mirë të Chelseat, këtë herë planet e madrilenëve kanë ndryshuar, po ashtu dhe çmimi që “Blutë” i kanë vendosur Hazardit.
Nëse Hazard dëshiron të kalojë te 13-herë kampionët e Europës, Real Madrid duhet të paguajë plot 150 milionë € klubit londinez.
Por, anglezët kanë në plan t’i ofrojnë një kontratë të re belgut, që e mban deri në 2022. Por duket shumë e vështirë që këtë herë paratë të pengojnë dëshirën e Hazardit t’i bashkohet klubit më të suksesshëm në historinë e futbollit.
