Trajneri i Real Madridit, Julen Lopetegui, ka konfirmuar se Gareth Bale dhe Karim Benzema kanë pësuar lëndime në humbjen tronditëse të skuadrës së tij 1-0 ndaj Deportivo Alavesit.
Presioni ndaj Lopeteguit është rritur pas ecurisë pa fitore të Madridit, e cila ka shkuar në katër ndeshje.
Benzema u detyrua ta braktisë ndeshjen pas pjesës së parë, ndërsa Bale u zëvendësua dhjetë minuta para fundit në “Estadio de Mendizorroza”, ku goli në minutat shtesë i Manu Garcias e tronditi Realin.
Lopetegui konfirmoi në konferencë për media pas ndeshjes se dyshja ka pësuar lëndime, duke i shkaktuar edhe më shumë probleme skuadrës që tashmë po vuan shumë duke humbur terren me rivalët për titull.
