Në Dagestan, vendlindjen e Khabib Nurmagomedov, sot është një ditë feste. Mijëra fansa të kampionit rus të arteve të marciale mikse kanë qenë të grumbulluar në një sallë për të ndjekur duelin e UFC-229 mes Nurmagomedov dhe Conor McGregor.
Pas fitores së idhullit të tyre ata kanë shpërthyer në festime, si në sallë ashtu dhe jashtë saj, duke ngritur në qiell kampionin e pamposhtur të UFC-së. “Khabib ia futi McGregor”, thotë një fans i Nurmagomedov, duke bërë gjeste për të shpjeguar gëzimin e tij pas këtij suksesi të kampionit të botës së peshës së lehtë në artet marciale mikse.
