Do të luhen sot 9 përballjet e vlefshme për javën e 5-të të Kategorisë së Parë, në grupet A dhe B. Padyshim që e gjithë vëmendja është te derbet, Apolonia-Lushnja dhe Vllaznia-Veleçiku.
Këto 2 përballje pritet të prodhojnë spektakël, për shkak edhe të rivalitetit që skuadrat kanë me njëra-tjetrën. Ndërkohë Dinamo e vendit të dytë në Grupi A do të sfidojë Shënkollin në transfertë. Mjaft të ekuilibruara duken dhe përballjet Vora – Burreli dhe Iliria – Korabi. Vorakët do të kërkojnë fitoren e parë, përballë matianëve që kanë mbetur pa trajner, pas largimit të Nicës.
Për sa i përket Grupit B, përveç derbit Apolonia-Lushnja, përballje emocionuese priten të jetë dhe ajo mes Egnatias dhe Tomorit. Të dy këto skuadra kanë si objektiv ngjitjen në Kategorinë Superiore.
Një transfertë e vështirë për Besën e Gentjan Begësë përballë Orikut, që ka rezultuar surprizë në këto javët e para. Ndërkohë Bylis dhe Pogradeci konsiderohen si favoritë përballë Elbasanit dhe Turbinës.
GRUPI A
E shtunë, më 6 tetor, 14:00
Vllaznia -Veleçiku
Shënkolli-Dinamo
Vora-Burreli
Iliria-Korabi
E diel, më 7 tetor, 14:00
Erzeni-Besëlidhja
GRUPI B
E shtunë, më 6 tetor, 14:00
Apolonia- Lushnja
Bylis- Elbasani
Oriku- Besa
Turbina-Pogradeci
Egnatia- Tomori