Kamza në ndeshjen e radhës do e luajë përballë Partizanit në “Selman Stermasi”, e vlefshme për javën e 11-të të kampionatit shqiptar. Rezultatet nuk kanë qenë ato që priteshin te skuadrën nga periferia e kryeqytetit dhe në të tilla rrethana presidenti i klubit, Naim Qarri ka vënë ultimatum për trajnerin Klodian Duro.
Ndeshja e radhës është ajo që do të vendosë gjithçka. Nëse Kamza nuk fiton, atëherë Duro shkon në shtëpi. Kjo përballje do të jetë me të vërtetë interesante, pasi të dyja ekipet e duan fitoren më shumë se kurrë, si Partizani që është mundur në mbrëmjen e djeshme nga Skënderbeu 0-2, por gjithashtu edhe Kamza që në duelin e fundit në shtëpi është ndalur nga Tirana në barazimin 1-1.
