Elseid Hysaj shpeshherë është kritikuar pa të drejtë nga disa media e analistë italianë të sportit. Mbrojtësi i Kombëtares shqiptare ndeshjen e fundit që u aktivizua me skuadrën e Napolit luajti si mbrojtës i majtë dhe arriti të bënte një ndeshje të shkëlqyer.
Ka mjaftuar kjo që agjenti i tij, Mario Xhufredi t’u mbyllë gojën kritikave për klientin e tij duke thënë: “Hysaj? Ai luajti kundër Sasuolos në krahun e majtë dhe u përshtat mirë me atë rol. Ai nuk shikon se ku luan, trajneri ta vendosi ku të dojë ai do të luajë një ndeshje të madhe. Ai nuk dëgjon kritikat, por i përdor ato.”
“Rinovimi? Nuk kemi folur për të, nuk është një prioritet. ai ka ende dy vite kontratë dhe do të vazhdojë të provojë të rrisë performancën e tij.”
