Futboll La Liga Sport

Kryeparlamentari SHQIPTAR merr dhuratë të dedikuar nga Luka Modric (FOTO)

Luka Modric është shpallur “The Best” nga FIFA dhe UEFA për vitin 2018. Ai është favoriti kryesor për të fituar edhe “Topin e Artë” për këtë vit kalendarik. Paraqitja e kroatit me Real Madridin, sezonin e kaluar, ishte vërtet mbresëlënëse. Ai ishte pjesë e rëndësishme e fitimit të Champions-it të tretë radhazi, nën drejtimin e Zinedine Zidane, nga mbretërorët madrilenë.

Po ashtu, ai i priu Kroacisë në një fushatë të jashtëzakonshme në finalet e Botërorit të Rusisë, kësaj vere, duke e dërguar kombëtaren e tij deri në finalen e madhe me Francën. Historia e tij e fëmijërisë, që përket me luftërat e përgjakshme në Ballkan, e bërë tashmë e njohur, e bën edhe më rrezatues si model, sepse u ngrit nga bariu i dhive në luftë te ylli i futbollit botëror.

Në fakt, historia e tij është ngjashme pak a shumë me çdo fëmijë kosovar të asaj kohe, që përjetoi genocidin serb. Prandaj, Modric është shumë i dashur në Kosovë. Ylli kroat ka bërë një veprim konfirmues në këtë drejtim, duke i dërguar një dhuratë të veçantë kryeparlamentarit kosovar, Kadri Veseli. Numri një i Partisë Demokratike të Kosovës, ka njoftuar me krenari se ka marrë dhuratë fanellën e Modric te Real Madridi, me nënshkrim.

Ka qenë vetë Veseli, ai që e ka publikuar këtë moment, duke hedhur në Facebook foton e Modricit, duke i nënshkruar fanellën dhuratë. Kryeparlamentari kosvar e ka quajtur Modricin si futbollistin më të mirë në botë. “Ndjenjë shumë e mirë të kesh një dhuratë si kjo, me dedikim personal nga futbollisti më i mirë në botë”, – ka shkruar Veseli.

 

 

Related posts

CEREMONIA E “TOPIT TË ARTË”/ Futbollisti i ri më i mirë, shapllet fituesi i trofeut Kopa…

Delo.autor

MORI FITOREN E DYTË SEZONAL/ Flet Dretori i Flamurtarit: Duhet të kapnim “trenin” e fundit dhe…

Delo.autor

Analizë: Arma më e fortë e Valverdes kundër Zidanes nuk është arma, po karma!

Q.Autor

Leave a Comment