Portieri i Teutës, Isli Hidi i ftuar te emisioni ‘Rubrika Sportive” në RTSH është shprehur me formën e mirë që po kalon Partizani, duke e mbyllur fazën e parë në krye të tabelës së klasifikimit me 22 pikë nga 27 të mundshme.
Hidi është shprehur se skuadra e Gegës ka krijuar harmoni në grup, por jo se zhvillon një futboll dominues.
“Ata (Partizani) bëjnë diferencën. Është ekip i ri. Kanë formuar mbrojtje të mirë. Nuk kanë futboll dominues dhe kjo u pa në ndeshjen me Teutën. Dua të them që grupi ka krijuar besim”, është shprehur Hidi.