Thiago Silva nuk do të luajë ndaj Napolit ditën e mërkurë në Champions League, sipas informacioneve të Yahoo Sport. Media thotë se braziliani ka pësuar një dëmtim në kavilje, dhe gjithashtu ka një shqetësim muskulor.
34-vjeçari thuhet të ketë folur me Tuchel dhe të dy kanë rënë dakord që ai ta bëjë pushim mesjavën. Trajneri gjerman me shumë mundësi do të aktivizojë dyshen Marquinhos-Kimpembe në qendër të mbrojtjes.
Ndërkohë do të rikthehen në formacion Thomas Meunier dhe Neymar, që e bënë pushim në ndeshjen e fundjavës ndaj Amiens.
