Gjatë verës, Milan-i bëri shkëmbimin midis Leonardo Bonucci-t dhe Mattia Caldarës, në një marrëveshje që e pa edhe Gonzalo Higuan t’i bashkohej kuqezinjve në huazim me të drejtë blerjeje.
Gjithsesi, Caldara ka luajtur shumë pak për Milanin pasi pësoi një dëmtim që e mbajti jashtë fushës për disa kohë. Tani kuqezinjtë kanë një fazë të vështirë dhe të mbingarkuar përpara, sapo lojtarët të kthehen nga ndeshjet e kombëtareve.
Me tetë ndeshje të ndara në tri javë, milanezët i pret një periudhë intensive, që fillon me derbin kundër Interit në 21 tetor.
Thuhet se Caldara do të jetë në dispozicion për derbi-n dhe ka mundësi që të luajë nga minuta e parë në Europa League, në ndeshjen kundër Real Betis.
